يدلعونـك هـلـك وانــا تعذبـنـي

يدلعونـك هـلـك وانــا تعذبـنـي
ياصبر قلبي علـى صـدك ولوعاتـك

حاولت اغير طريقي وأنـت تمنعنـي
حتى فـؤادي حكمتـه بيـن قبضاتـك

تخطي وانا ادمح لك الزله وتجرحنـي
هوايتـك تكسـر الخاطـر بكلمـاتـك

في كل لحظه تقـول انـك موادعنـي
اثرك تمثل علـى شخصـي بعبراتـك

اجمع همومي بصدرك وأنـت تنثرنـي
حتى تبعثرت من صـدرك بصرخاتـك

تضحك مع الغيـر وانـا دوم متعبنـي
واتقول احبك واحب اسمـع حكاياتـك

وارجع اراجـع حساباتـي وتهجرنـي
صبري نفذ وأنت تشرح لي هواياتـك

فيك التناقض وفيك اغـرور مزعجنـي
وفيك قلب الطفـل لا شفـت دمعاتـك

أمرك غريـبٍ وهـذا اللـي محيرنـي
عجزت اميز طريقـك مـن مساراتـك

سلم لي أمرك وخـذ منـي وسلمنـي
من قبل تندم وتنسـى ايـام فرحاتـك

يامنبع الورد ابي على الصدر تحضني
بردان وابغى الدفا من همسة اشفاتـك

اصغي لقولي وعالوجنـات بلسمنـي
واهمس باذني لكي اشعـر بهمساتـك

شف حالتي من عبوس الوقت واشفيني
أرجوك عجل علـى قلبـي بجرعاتـك

وان كنت طايش ولك غايـه تقيدنـي
لا باس لاكن حلمـك عنـد سطواتـك

وان كان ودك علـى هـذا تساومنـي
فالروح لك دامنـي ساكـن مطاراتـك